無意參加初選 ：非與泛民為敵，拒不接受大台
姚冠東從事廣告業多年，同時擔任網台主持。最初先在「香港人網」；乃後經營「低俗頻道」；繼而轉往「IBHK」主持〈東評週〉；現在則於「MyRadio」主持〈天地有正氣〉。
最近他成立政團「全民參政」，租借「清水灣電影製片廠」拍宣傳片，原擬於六月下旬推出，同時宣布有意角逐新東。
姚解釋在宣傳片中，演員本來只需按劇本喊「全民參政，議會革命」。不過導演拍好喊 cut 後，眾演員還情不自禁繼續喊「光復香港、時代革命；沒有暴徒，只有暴政」。
詎料片場一名李氏主管似不豫上述口號，要求姚冠東和導演交代。姚解釋是政治宣傳，李氏進而要求政綱供他檢閱，姚以對方沒權過問而拒絕。
姚為息事寧人，嘗取劇本給李氏過目。李氏謂公司「愛國」，片場不許拍攝「反中國」、「反政府」的作品，一度要求停機，寧願退錢云云。
「我聽到勁嬲勁震驚」，姚解釋「清水灣電影製片廠」是業內常用片場，他亦使用有年，從未遇過政治審查和打壓。
就在此際創作總監「阿粗」出頭，讓姚和導演抽身繼續拍攝。「阿粗」與李氏主管爭辯，片場何曾有黑字白紙的政治要求，要求李氏交代條款，否則片場單方毀約，他們會循民事索償。
李氏主管終被懾服請示上司，改為放行，宣傳片得以殺青，但姚憤慨依然。「國安法、23 條都未實施！已經有啲人咁諗嘢做嘢。」他正考慮為此事召開記招並發投訴信，要求片廠交代原委，否則會追究並呼籲同行棄用。
姚冠東成立「全民參政」，披露有意參選新東。
他解釋自己一向支持本土派，政團屬於非建制陣營。「你可以界定我地叫抗爭派甚至叫攬炒派。」他承諾會不惜代價將抗爭帶進議會；若果當選會公開所有立法會文件，推動民間討論，再決定投票取態。
姚冠東亦拒絕參與初選，他提出多點理由。
一是他主張反修例運動沒有大台，「點解初選搭番個大台出嚟？」
二是非建制派初選不同於黨內初選，各人政見差距甚大，根本沒有共同綱領。
三是他認為所有人均可自由參選和投票。「初選係變相篩選，點解唔俾選民自己去揀？當佢地傻咩？選民有獨立思考。」
四是初選傾重知名度較高的人物，對素人不利。「初選嘅捆綁同約束，唔係選民嘅真正選擇。」
五是對「35+」的效果存疑。「35 個黃碧雲又點？關鍵係嗰 35 個係邊個，肯唔肯 back up 許智峯？點解我一定要跟初選結果嘅指揮棒？」
六是初選的背後的勝算考量，僅為民主派主流支持者服務。但他認為新東逾百萬選民，有相當多非建制選民不接受初選，寧願直接投更進取的候選人。
筆者問到即使劉頴匡、鄒家成、羅氏兄弟皆屬本土派，都願意參加初選並服膺結果。姚冠東答：「我已經放棄現實嘅勝算考慮，忠於自己嘅原則。我唔想為咗贏，為咗攞初選嘅 Q 嘜認證而妥協。」
他同意初選能為新東找到最大勝算的六名同路人，「我唔係同初選割席，我唔反對佢地初選，但初選違反我嘅理念。」
姚冠東在「MyRadio」擔任主持，亦披露馬愉生和彭志銘都加入其團隊。惟他強調參選意向與黃毓民毫無關係。
筆者追問一旦公布自己直接參選，必定招致民主派主流批評。他說早有準備，強調自己既不是「鬼」，也不視泛民為敵。但他認為選民從不隸屬於某一派系，「啲票唔係屬於某一政黨某一光譜，上一次投畀你唔等於屬於你。啲票係屬於每一個香港人，你做得好市民自然會投你。我同好多市民都有同一信念，唔存在鎅唔鎅票。」
作者 Facebook