警方 Instagram 今日上載兩張設計圖，分別借用「細蓉」（雲吞麵）和凍奶茶，配合食字口號呼籲市民不要犯法。引起網民紛紛效法，以不同創作「回敬」，立法會議員林卓廷同日上載紅豆冰設計圖諷刺日前有警員被揭販毒；前立法會議員區諾軒則以流心蛋批評警察「催淚彈放題」和「射盲人眼」，又貼文指「無人想做勇武」，是政府「日日害市民」，警察改圖「一 D 都唔好笑」。
【食得是福 】 細蓉好 大蓉好 唔做勇武就最好 #犯法要負責 #選擇在你手
A post shared by 香港警察Hong Kong Police (@hongkongpoliceforce) on Jun 12, 2020 at 9:00pm PDT
「香港警察 Hong Kong Police」今日中午先後發布兩張貼圖，分別配以「細蓉好、大蓉好，唔做勇武就最好」和「凍奶茶、熱奶茶，犯法一定俾人查」的口號，同樣 hashtag「犯法要負責 選擇在你手」，呼籲市民不要犯法，及不要激進抗爭。
【食得是福 】 凍奶茶 熱奶茶 犯法一定俾人查 #犯法要負責 #選擇在你手
A post shared by 香港警察Hong Kong Police (@hongkongpoliceforce) on Jun 13, 2020 at 9:00pm PDT
設計圖在社交網站廣傳後，惹來不少網民抨擊，指警方做法「尷尬」、「九唔搭八」。相比起抗爭者，反送中運動發生大量警暴行為，但一直未有警員須負上刑責，有人在警方貼文下留意「犯法就係犯法、除非你係警察」，得到近 800 個讚好。另外亦有網民效法創作類似口號諷刺警員，「季炳雄 鄧炳強 兩個都係嫌命長」、「買水好 加冰好 吾洗比錢係最好」、「後數又好，講錯嘢又好，等PPRB執屎就最好」。
立法會議員林卓廷晚上近 9 時上載一張相類似的設計圖，以「紅豆冰」為名，配以「紅豆冰 菠蘿冰 黑警返工就偷冰」，諷刺上月初西九龍反黑組有警員被指涉私吞「冰」毒案。並指見到警方「好有趣嘅食物文宣」，是「夾硬」將食物和犯法混為一談，所以「手痕整左張類近嘅圖，大家認同請分享」。
最近見到警方出左幾張好有趣嘅食物文宣，夾硬將食物同「犯法一定比人查」等嘅概念拉埋一齊（見我嘅story嘅cap圖，唔需要特登click入去佢地個page度睇），所以我手痕整左張類近嘅圖，大家認同請分享??
A post shared by 林卓廷 Lam Cheuk Ting (@cheuktinglam) on Jun 14, 2020 at 4:44am PDT
前立法會議員區諾軒晚上約 10 時亦發布一張名為「流心蛋」的圖片，配上「拉麵點綴要流心蛋，唔需要放題催淚彈，更加唔需要射盲人眼」。區諾軒留言說，警方以食物呼籲市民「唔做勇武」，「就一Ｄ都唔好笑既」，又說「如果政府唔日日害市民，100 萬人遊行話二讀逃犯條例，日日整治老師、醫護、機構員工，而家仲要國安法。無人想勇武。」他指自己同樣「以食為喻回敬番」，質問警方「點解唔認錯？」
我就覺得popo搵食物叫人「唔做勇武」呢，就一Ｄ都唔好笑既。 無人想勇武，如果政府唔日日害市民，100萬人遊行話二讀逃犯條例，日日整治老師、醫護、機構員工，而家仲要國安法。 但popo咁喜歡以食為喻，回敬番：拉麵點綴要流心蛋，唔需要放題催淚彈，更加唔需要射盲人眼。 點解唔認錯？射盲人係咪犯罪？認同請分享。 #policebrutality === 2020年 立法會選舉 – 民主派 35+ 公民投票 群眾集資! 眾籌方式及目標金額 1 . 眾籌平台 https://gogetfunding.com/democrats35plus (有平台手續費) 2. 直接轉帳至民主動力的 恒生銀行戶口 (388-809709-001) 戶口名稱為 POWER FOR DEMOCRACY (冇轉帳手續費) 總計眾籌金額：350萬港元 因選舉條例所限，請每位朋友捐款不多於港幣 1000 元
A post shared by Au Nok-hin 區諾軒 (@loktinau) on Jun 14, 2020 at 7:46am PDT
